මා දකිනා ආකාරයට ලංකාවේ සමාජය තුල බටහිර සමාජයට සාපේක්ෂව කාන්තාවට බොහෝ දේ අහිමිව ඇතත් ඒ සමඟම බටහිර සමාජයේ කාන්තාවට අහිමි ව ඇති බොහො දේ අපේ කාන්තාවන්ට හිමිවී තිබෙනවා. ස්වභාව ධර්මයේ නියමයන්ට අනුව පිරිමියා ගැහැණියට වඩා ශක්තිමත්වත් ප්‍රමුඛවත් මවා තිබීම තුල කාන්තාව හා පිරිමියා සමතැන්හි ලා ගිනිය හැකි සමාජයක් සෑදීමට යාමෙන් අපට හිමිවන්නේ සමලිංගික විවාහ ආදී විකෘති භාවිතාවන්ගෙන් පිරුණු ස්වභාව ධර්‍මයට විරුද්ධ සමාජක්‍රමයක්. එලෙසම අප සමාජය තුල තිබෙන හොඳ දේවල් තබාගෙන බටහිර සමාජයේ හොඳ දේවල් ගැනීම යන සංකල්පය ඔස්සේ ක්‍රියාකලද එවැන්නක් ඉටුකරගැනීමට අවසානයේ අප අපොහොසත් වන්නේ හොඳ දේවල් පමණක් කාන්දුවන ආකාරයේ සංස්කෘතික ප්‍රවාහයක් කිසිදා ප්‍රායෝගිකව සිදු නොවන නිසාය. එනිසා මෙබඳු සංකීර්ණ සමාජ තත්වයන් විග්‍රහයේදී හුදෙක් හුදකලා වූ කරුණු සමූහයක් විවේචනයට බඳුන් කිරීම එතරම් ප්‍රතිථලදායක නොවන්නක් නමුත් එසේ කිරීමේ වරදක් නම් නැහැ. වඩාත් ප්‍රථිථලදායක වනුයේ මෙබඳු විවේචන හා විග්‍රහ කිරීම් වලින් නොනැවතී යම් යොජනාවක් හෝ ධනාත්මක පණිවිඩයක් සමාජයට සන්නිවේදනය කිරීමයි.

ඔබගේ ඉදිරි ලිපි වලින් එබන්ඳක් බලාපොරොත්තු වෙමි.