‛‛2006 වර්ෂයේ ජනවාරි මස දී ත්‍රිකුණාමලයේදී තරුණයන් 5 දෙනෙකු වෙඩිතබා ඝාතනය කිරීම හා 2006 අගොස්තු මස දී මූතූර් ප්‍රදේශයේදී AFC නැමැති ප්‍රංශ රාජ්‍ය නොවන සංවිධානයේ සහන සේවකයන් 17 දෙනෙකු ඝාතනය කිරීම ඇතුළු පසුගිය කාලය තුළ සිදුවු බරපතල මානව හිමිකම් උල්ලංඝනයන් පිළිබඳව සොයා බැලීම සඳහා ජනාධිපතිවරයා විසින් මහාධිකරණ විනිසුරු නිස්සංක උඳුලාගම මහතාගේ මූලිකත්වයෙන් ‛‛බරපතල මානව හිමිකම් උල්ලංඝනයන් පිළිබඳ සොයා බැලීමේ ජනාධිපති කොමිසම’’ පත්කරනු ලැබූ අතර එයට අමතරව ජනාධිපතිවරයා විසින්ම එහි කටයුතු අධීක්ෂණය සඳහා ජාත්‍යන්තර ස්වාධීන විද්වත් මංඩලයක්ද පිහිටුවනු ලැබුවා. නමුත් ජනාධිපති කොමිසමේ සභාපතිවරයා ඇතුළු රජයේ විවිධ පාර්ශව විසින් මෙම ස්වාධීන විද්වත් මංඩලය විවිචනයට ලක්කල අතර ඔවුනගේ කටයුතු වලට සහායෝගය නොදක්වන තත්ත්වයක් පෙන්නුම් කරනු ලැබුවා.මේ අතර ප්‍රකාශයක් නිකුත් කල ජාත්‍යන්තර විද්වත් මංඩලය කියාසිටියේ ජනාධිපති කොමිසමේ ක්‍රියාකාරීත්වය පිළිබඳව තමන් සෑහීමකට පත්නොවන බවත් එහි කටයුතු ස්වාධීනව කරගෙන යා නොහැකි ලෙස බරපතල බාහිර ඇගිලිගැසීම් සිදුවන නිසා තම කණ්ඩායම කොමිසමේ නිරීක්ෂන කටයුතුවලින් ඉවත්වන බවත්ය.’’
ඒ අනුව ජාතයන්තර ස්වාධීන විද්වත් මංඩලය මාර්තු 31 වැනිදා සිට අධීක්ෂණ කටයුතු වලින් ඉවත් වීමට තීරණය කරන ලදි. විකල්ප මෙම සිද්ධිය පිළිබඳව මෙරට සිටින ප්‍රමුඛ මානව හිමිකම් ක්‍රියාකාරිනියක් මෙන්ම නීතිඥවරියක්ද වන නිමල්කා ප්‍රනාන්දු මහත්මිය සමග සංවාදයක නිරත වුවා. ඉහත දැක්වෙනුයේ එහිදි ඇය දැක්වු අදහස් ඇතුලත් විඩියෝ පටයයි.

Last 5 posts by Vikalpa_R

• නැගෙනහිර පළාත් ඡන්දයේ ප්‍රචණ්ඩ ක්‍රියා සහ ඡන්ද දූෂණ පිළිබඳ පුරවැසි වාර්තාකරණය - May 6th, 2008
• මුහමාලෙයි ජනමාධ්‍ය සටන - May 2nd, 2008
• යුද්ධය අපේ දොරකඩටම ඇවිල්ල - April 27th, 2008
• ජවිපෙ දෙකඩවීම පිළිබඳ ජනතා අදහස් - April 25th, 2008
• මානව හිමිකම් සහ ජනමාධ්‍ය - April 24th, 2008