ජනාධිපතිවරණය සාධාරණව පැවත් වූ බවත් එහෙත් පූර්ව මැතිවරණ අවධියේ සියලු දෙනාම නීති කඩ කළ බවත් තමන් ඉල්ලා අස්වීමට ගත් තීන්දුව මීළගට එළෙඹේන මහමැතිවරණයෙන් පසුව සලකා බැලීමට තීරණය කළ බවත් මැතිවරණ කොමසාරිස් දයානන්ද දිශානායක මහතා ප්‍රකාශ කළා. අද දහවල් මැතිවරණ මහ ලේකම් කාර්යාලයේ පැවති පුවත් පත් සාකච්ඡාවකදී ඒ මහතා වැඩිදුරටත් කියා සිටියේ.
‛‛ යාපනයේ ඡන්දය අඩුවීමට හේතු උනේ එහි ලැයිස්තුවේ සඳහන් ප්‍රමාණයට එහි මිනිසුන් නැතිකමයි. ඒ ප්‍රදේශයේ ජනතාව බහුතරයක් කොළඹ හා තදාසන්න ප්‍රදේශ වලට සංක්‍රමනය වෙලා නැතිනම් යුරෝපයට ගිහින් බොහෝම සුළු පිරිසක් ඉංදියාවට පැන ගිහින් ඉන්නේ. යාපනයේ ඡන්ද ලක්ෂ හතයි විස්සක් තිබුනට එච්චර පිරිසක් එහි පදිංචි වෙලා නැහැ. මේ තත්ත්වය මඟහරින්න වෙන්නෙ සංගණනයකින් පසුවයි. වන්නියේ ජනයාටත් අපි උදේ සිටම බස් සේවාවක් යොදවල තිබුන. නමුත් මට ආරංචි තියෙනව බස් වල පරක්කුවීම් සිදු උන බවට.
රටෙි විවිධ ප්‍රදේශවල නිතියට ඉහළින් බොහො අය කටයුතු සිදුකලා තම තමන්ගේ බලපුලුවන්කාරකම් වලට අනුව. අපි පොලසිය යොදවල පුලුවන් තරම් බැනර්.කටවුට් දජ පතාක වගේම පොස්ටර් ගැලෙව්ව. නමුත් අපිට සියට සියයකින් එය කරන්න අපහසුයි. සමහරු පෙළපාලි ගියා රැළි පැවැත්වුවා අපි මේව දන්නව. ඒකයි මම කිව්වේ බෙහෝ අය නීතියට පිටින් ක්‍රියාකරා කියල.
සමස්තයක් වදිහට ගත්තම මැතිවරණ දිනයේ ඉතා හොඳින් මැතිවරණය පැවැත්වුනා. විනිවිදභාවය රැකීම උදෙසා අපි මෙවර ගණන් කිරීමේ නිළධාරියට කාබන් පිටපත් සහිත පිරවීමේ ප්‍රතිකාවක් සකස් කරල දුන්න. ඉන් එක පිටපතක් ප්‍රථිපල පරිගණක ගතකරන ස්ථානයටත්, තවත් පිටපතක් ප්‍රථම ස්ථානය දිනූ අපේක්ෂකයාටත්, තුන්වන පිටපත දෙවන ස්ථානය ලබාගත් අපේකෂකයාටත්, හතරවන පිටපත තුන්වන ස්ථානය ලබාගත් අපේක්ෂකයාටත්. පස්වන පිටපත ගණන් කිරීමේ මධ්‍යස්ථානයේ ප්‍රදර්ශනයටත් තබා හය වන පිටපත ගණන් කරන නිළධාරියාගේ ලිපිගොනුවටත් ඇතුලත් කරා.
ජනාධිපතිවරණයට පෙර රාජ්‍ය මාධ්‍ය භාවිතාව පිළිබඳව අසන ලද ප්‍රශ්නයකට පිළිතුරු දෙමින් කොමසාරිස්වරයා පැවසූවේ තමාට ගතහැකි පියවරයන් ගත් බවත් වැරදි ලෙස මාධය භාවිතය සිදුකිරීම පිළිබඳව තමාට කිසිදු පියවරයක් ගත නොහැකි බවත්, ඒස ඳහා තමාට ව්‍යවස්ථාවෙන් කිසිදු ප්‍රතිපාදනයක් ලබාදී නෙමැති බවත්ය.
