මඩකළපු සඳ
කොළඹට පෙනෙනවද
සඳ ගෙනෙන කවිපද
සවනට ඇසෙනවද
මෙ කල්ලඩි පාළම
තුරුණුය තවම නිහඩය
යනෙන වාහන එළි
මුනිවත බිඳින අරුමය
ගීත අමතක වුණ
මීන කැළ තැන තැන
කළපු රළ ගෙන එන
ශෝක පද මුමුණන
සඳවතට මතකද
කොළඹ ගිය හදවත
කිඹුළු ඇල කෙළවර
කඳුළු නොසැලුව නෙත
සමනොල කන්ද කොතැනද
කරුණා කරන්නට
ඉරිමා හිමිදිරක
සිරිපා සිඹින්නට
නවෝදය දොරකඩ
සදා ගනඳුර ම ද
සඳේ එළි බිඳකුදු
බෙදා ගත නො හැකි ද ….
මංජුල වෙඩිවර්ධන
ඉකුත් සැප්තැම්බර් 29දා කල්ලඩ් පාලම පාමුලදී සිවරාම් සිහිවී ලියවුනු කවියකි.ඔහුගේ ඝාතනය පිළිබද සංවාදය අද කොළඹට අමතකවී යාම පිලිබදව මෙයින් ප්‍රශ්න කෙරේ.
