ඇතුලු දොර වසාගත්
ප්‍රේමයේ කවුලුවක්
අඳුර මැද මඳක්
විවර කර බලාගෙන
–
ඔබේ ලෝකය
දැල් වූ පහන් සිල
අඳුරු සුළඟෙහි සඟවාන
ඔබේ කවුළුව අසල මම
–
ප්‍රේමය තුරුළු කරගෙන
පහන් එළියෙන්
පින්තාරු වූ අඳුර
ඔබේ වත සිතුවමකි
–
රාමු කළ අඳුර තුල
ඇතුලත වැසුණු මදහස කතාකළ
සීත සෘතුව දිගේ
ඇවිද ආ හිම පතන මගේ
–
ඔබේ ප්‍රේමය සොරා ගන්නට
චෞරයෙක් ආ වගේ
ඇතුලු දොර වසා ඇති ඔබේ හද
විවර කළ කවුළුවෙන්
–
ඇතුල් වූ මගේ ප්‍රේමය
පහන් එලියෙන්
විමසමින් සෙව්වෙමි
ඔබේ ප්‍රේමය
–
එලියෙන් අඳුර නැසුන ද
එලියට අඳුර බිය විය
එළියට ගන්න සැඟ වුණු
ඔබගේ අතින්
–
පවන් සලමින්
නිවාලූ පහන් සිල
වසා හල ඔබේ ලෝකය
විවර වුණි
–
විවර යැයි සිතා සිටි
මගේ ප්‍රේමය
සොඳුරු නැති අඳුරක
වසාගත් එලියේ
සැකිල්ලක් බව
ඔබ මට කියා දුනි
මෙල්ස් මාකැස්චේ | Mels Macasche
[Image Credit: lattesandlipstick]
