අද වැව් ඉස්මත්තේ
අවුරුදු උත්සවේ
උදේ ඉදන් ගමේ උදවිය
කොට්ට පොර අල්ලනවා
කනාමුට්ටි බිඳිනවා
එක රොත්තට ගම හරහා දුවනවා
දෙපිල බෙදිලා කඹ අදිනවා
හවස් අතේ ඉතින් අපේ වාරේ
නැන්දා ගියා තරඟෙට පොල් ගාන්න
අම්මා ගියා තරඟෙට අතු වියන්න
දහදොළොස් දෙනෙකුට
තුන්වේල කන්න දෙන්න
තුන්සිය හැටපස් දොහේම දුක් ගන්නා
අපේ නැන්දට
කලටි පොල් ගෙඩියක්
ගාගන්න එකත් කාරියක් යෑ
වලව්වත්තේ අතු ඇහිඳින
මඩේ බැහැගෙන අතු පොඟවන
අඟිලි තුඩු ගෙවෙනකන් අතු වියනා
අපේ අම්මට
අමු පොල් අග්ගිස්සක්
වියාගන්න එකත් කාරියක් යෑ
‛‛අවුරුද්ද අලුත් උනත්
මේ සෙල්ලම නං බොහෝම පරණයි’’
මට නං හිතුනේ එච්චරයි
අනෝමා රාජකරුණා
‛ගෝත්‍රික ප්‍රේමය’ කවි පොතෙන් ලියා එව්ෙව් ෙම්නකා දර්ශණි
