දූෂිත ජනාධිපතිවරණයට එරෙහිව ජනතාව පෙළගස්වමු. ප්‍රජාතන්ත්‍රවාදය වෙනුවෙන් පෙළගැහෙමු. යන තේමා ඔස්සේ ඊයේ(3) කොළඹ හයිඩිපාක් පිටියේදී උද්ඝෝෂණ ව්‍යාපාරයක් පැවත්විය. එම උද්ඝෝෂණයට විශාල ජනතාවක් සහභාගී වූ අතර සවස පැවැත්වීමට තිබූ රුස්වීමට ශබ්ද විකාශණ යන්ත්‍ර භාවිතා කිරීමට පොළිසිය අවසර දී නොතිබිනි.
මෙම රුස්වීම සඳහා සහභාගීවීමට එක්සත් ජාතික පක්ෂය, ජනතා විමුක්ති පෙරමුණ ඇතුලු විපක්ෂයේ පක්ෂත්, වික්‍රමබාහු කරුණාරත්න මහතා ඇතුලු අනිකුත් දේශපාලන පක්ෂත් පෙළපාලිවලින් හයිඩ්පාක් පිටියට පැමිණියහ.
රුස්වීම ආරම්භවීමට ප්‍රථම පැමිණි ජනතාවට පොලීසිය විසින් අවහිරතා කිරීමට උත්සහ කරනු දක්නට ලැබුණු අතර ඇතැම් මාධ්‍යවේදීන්ටද පොළිසිය බාධා කල බව වාර්තා විය.
කෙසේ වෙතත් සවස 4.00 පමණ වන විට හයිඩ්පාක් පිටියත් අවට මාර්ගත් පැමිණි ජනයාගෙන් පිරී තිබෙනු දක්නට ලැබිණි.
මෙම රුස්වීම සදහා ජෙනරාල් සරත් ෆොන්සේකා, රනිල් වික්‍රමසිංහ, මංගල සමරවීර, සෝමවංශ අමරසිංහ, රවුෆ් හකීම්, මනෝ ගනේෂන්, වික්‍රමබාහු කරුණාරත්න ඇතුලු පක්ෂ නායකයින් සහභාගී විය.
ෙමහි වීඩිෙයා් දර්ශණ –
